بالفيديو ..جاد .. طفل اردني يناشدكم المساعدة

خبرني - ناشد الطفل الاردني جاد الاردنيين لتغطية تكاليف علاجه من مرض السرطان الذي اصابه مؤخرا والذي يعالج فقط في مدينة برشلونة الاسبانية.

وقال الطفل جاد البالغ من العمر 3 سنوات ، ان نوع السرطان النادر الذي اصيب به قبل نحو شهر يسمى ( الاورمي العصبي ) .

وتابع في مناشدته ان المرض اصبح في المرحلة الرابعة مشيرا الى انه تلقى جرعتين من الكيماوي . 

وتاليا الرسالة التي نشرتها والدة جاد عبر الفيديو   

مرحبا جميعاً، وكل عام وانتوا بخير..  

ما بدي أطول عليكم كتير. 

عادة لما تروح الحامل تولد بيكون كل تفكيرها بالبيبي اللي ببطنها، بس أنا صاحبتي رح تولد هاد الأسبوع وهي كل همها ابنها التاني اللي عمره ٣ سنوات.. جاد ما كان ماله أي اشي بس بلش يبين عليه علامات تعب بسيطة وبعد فحوصات طلع عنده نوع سرطان في النخاع، انقلبت حياتهم في يوم وليلة، وما مر يوم إلا وحمدت الله وشكرته على الابتلاء وصابرة ومتوكلة على الله والله يقويها.

المرض نادر جداً، يعني في الأردن كلها بس ١٠ أطفال عندهم اياه وبمراحل أقل حدّة، هو حاليا في المرحلة الرابعة وتعتبر خطورته عالية.. أخد جاد جرعتين كيماوي لهلأ ولسا في كمان كيماوي وعملية سحب وزرع نخاع بالخطة.

العلاج اللي متوفر في الأردن نسبة نجاحه قليلة، أما العلاج البديل اللي موجود برة نسبة نجاحه من ٨٠%-٩٠% وما عليه خطورة!  تواصل الأهل مع مستشفيات في أوروبا، وردت علينا مستشفى بالقبول في برشلونة، كلنا انبسطنا بس للأسف المبلغ اللي طلبوه للعلاج خيااالي، أهل جاد عم يعملوا المستحيل ليأمنوا المبلغ، بس المبلغ مش قليل بالمرة ولازم يتأمن خلال شهر واحد.

نحتاج دعم من هيئة أو منظمة أو شركة تتبنى الحالة أو تساهم معنا، بعتنا لكثير شركات في الاردن وبرة الاردن، بس لساتنا منستنى واجانا رفض من بعضهم كونهم بيدعموا حالات من بلدهم فقط. 

بدنا مساعدتكم توصلوا الرسالة لكل حدا بتعرفوه، لشركات او مؤسسات بتعرفوا انهم ممكن يساعدوا، أو إذا قدرتوا انتوا تساهموا لو شوي من كل حدا يمكن بوقفتنا معها نقدر نوصل للمبلغ مع بعض خلال الشهر الفضيل ويتأمن العلاج لجاد ونتطمن عليه ويرجع على بيته بخير ونفرّح قلب أمه.

كل التقارير موجودة مع أهل جاد وبيقدروا يزودوكم فيها فوراً، رقم التواصل موجود في الفيديو.

وتاليا الفيديو عبر موقعنا:

لمشاهدة الفيديو اضغط هنا