Khaberni Banner Khaberni Banner Khaberni Banner

هل دمر حمو بيكا 7 سيارات فارهة؟

هل دمر حمو بيكا 7 سيارات فارهة؟

خبرني - نفى مطرب المهرجانات حمو بيكا، ما تردد عن تدميره 7 سيارات فارهة كانت متواجدة في قرية مارينا السياحية بالساحل الشمالي، رغم تحرير محضر رسمي بحقه من ملاك السيارات قيد برقم 902 إداري مارينا لسنة 2020.

وقال حمو بيكا خلال بث مباشر عبر صفحته الرسمية بموقع الفيس بوك: والله ياجماعة في دلوقتي أخبار منزله، في حاجات فيها حقيقي وفي حاجات فيها كدب، هي فعلًا السيارة بتاعت مدير أعمالي هو عطاها لحد تاني يجيب بيها حاجات، وإحنا في الفندق جالنا تليفون وقالنا الحقوا العربية عامله حادثة، وروحنا بورتو مارينا لقينا الاثنين اللي كانوا في العربية واقعين على الأرض، كان كل هدفنا مش العربية بقى إحنا أهم حاجة اتطمنا على اللي جواها خلاص.

وتابع: كان فيه عربيات واقفة صف تاني واقفة في الممنوع، وكان في عربية كان ضهرها كله في الشارع، وهو بيلف الملف خبط العربية دي ومكنش شايف حاجه، طبعًا إحنا اتصورنا والناس بقت بتحب تنزل أي حاجة على فيس بوك، بس لما تيجي تكتب اكتب بعقل، هو دلوقت بخير وبيتحقق معاه في النيابة ومعاه المحاميين بتوعي، كله بيقول عربية حمو بيكا لأ هي عربية مدير أعمالي.

واستكمل: وحدوا الله كده كل سنة وأنتم طيبين، واتطمنوا أنا بخير”، كما وجه رسالة للمتضررين من الحادث: “الحمد لله أنكم بخير ووافقين على رجليكم وتقدروا تجيبوا غيرها، محدش بيهرب من قضاء ربنا، فيه واحد بيبقى نايم في أمان يصحوا يلاقوه ميت، اللي بيجي في الحديد بيتصلح إنما البني آدمين مبتتصلحش.

وأضاف: أصلا كل اللي واقف كان واقف صف تاني غلط يعني، وأنتوا عارفين إن الساحل زحمة، والبني آدم بيخطأ، الحمد لله أن الكل بخير ومحدش حصله حاجه، وكلها كانت سليمة، هي بس العربيات كانت واقفة وهو كان بيجري وخبط في العربية دي وبعدين الإير باك فتح فشد العربيات اللي وراها.

وأكد أحد المتضررين أن محامي حمو بيكا تواصل معهم للتنازل عن المحضر مقابل إصلاح التلفيات، ولكن بعض السيارات تم تدميرها بالكامل ولم يعد إصلاحها ممكنا، وتم طلب سيارات جديدة بدلا منها، وبعدها تقدم شاب مدعيا أنه من كان يقود السيارة المتسببة في الحادث نافيا ملكيتها لحمو بيكا، وتم إخضاعه لتحليل المخدرات، على أن يتم عرض ملف البلاغ بالكامل على النيابة العامة اليوم الثلاثاء.

Khaberni Banner Khaberni Banner Khaberni Banner