Khaberni Banner Khaberni Banner Khaberni Banner

أدبيات الجيل الثالث !!!

أدبيات الجيل الثالث !!!

خاص ب "خبرني" تنوي هيئة تنظيم قطاع الاتصالات طرح عطاء تردد الجيل الثالث للخلوي والذي يتيح إجراء اتصال بالصوت والصورة بين طرفي المكالمة مع اقتراب نهاية العام، مما يتطلب اتخاذ خطوات جدية وعملية على كافة الصعد استعدادا للتعايش مع الخدمة الجديدة والبدء بتقصير "حبل الكذب" المستشري في مجتمعنا.   و من السيناريوهات الهاتفية بين المشتركين بعد إطلاق الخدمة نتوقع التالي: أبو نواف: قوّك يابا، اشتريت الطرمبة والمبيد عشان نرش الزيتونات ؟ نواف: لا يابا هيّ الي ساعتين ملطوع على باب الدكانة وما في حدا بالمحل. أبو نواف: ولك يا كذوب مين هاظ اللي قبالك بيلعب معك طاولة زهر ؟ كايد؟ ولك انتى قاعد بالقهوة ومدشرني استنى بيك تحت الشمس بالمزرعة ! وهكذا كشف الجيل الثالث كذب نواف وكسله وسيضطر للتعامل مع الكدمات والسحجات التي سيخلفها الضرب المبرح بعقال الوالد.   وفيما يلي نص المكالمة الليلية المعتادة بين (تانيا ووائل) : تانيا: هاااي، كيفك ، شو عم تعمل ؟ وائل: أهلا أهلا، أنا عم بتعشى (سي - فود).. الخدامة عملت النا جمبري وقريدس وسلطان إبراهيم . تانيا: سلطان إبراهيم ! طيب لا تنسى ترمي علب السردين والطن الفاضية في الزبالة بس تخلص عشا يا أبو السي فود... شكلك نسيت انو الموبايل اللي اشتريتلك اياه بيطلع الصور كمان.... باي يا كزاب. وائل انهارت أحلامه،ومساعيه لطرح نفسه كبرجوازي باءت بالفشل ،ولن يستطيع كسب قلب تانيا والاستئثار ب "ورثتها الدسمة".   في اتصال ثالث يدور جدال بين مدير المصنع وأحد موظفي مبيعاته: المدير: ألووو.. وين وصلت بتوزيع كراتين الشيبس... وينك لهسا ؟ الموظف: صدقني يا معلمي السوق اليوم "مدّقر" وهي إلي بلف بالباص من الصبح ما حدا قابل يشتري . المدير: صادق صادق.. طيب قول لمرتك تغطي على راسها وتقوم من قبال التلفون، وتعال عالشركة سلم عهدتك واعمل براءة ذمة وبعدها اقعد في البيت على راحتك. الموظف البائس خسر عمله وسيضطر للتعفن في المنزل قبل أن يجد وظيفة جديدة.   بالتأكيد خدمة الجيل الثالث الخلوية لا تحتاج إلى تجهيز الترددات اللازمة للبدء بعملية البث فحسب، وإنما تحتاج لحملة وطنية لترسيخ الصدق بالتعامل واحترام المواعيد والابتعاد عن الكسل و "النفخة الكذابة" و "التسلق الاجتماعي" لأنه بصراحة "رايح ينكشف الطابق".
Khaberni Banner Khaberni Banner
Khaberni Banner Khaberni Banner
Khaberni Banner