التاريخ : 2012-02-14
الوقت : 08:00 pm

رسمياً .. لا تدفع أجرة التاكسي إلا بتشغيل العداد

عداد تاكسي

خبرني - أجاز مسؤول في هيئة تنظيم النقل البري الامتناع عن دفع اجرة التاكسي اذا لم يقم سائقها بتشغيل العداد.

واوضح مدير مكتب هيئة تنظيم النقل البري في محافظة المفرق معتز الروسان، أن للمواطن الذي يستقل "تكسي الاجرة" الحق في الا يدفع الاجرة في عدم قيام السائق تشغيل العداد.

وبين الروسان لوكالة الانباء الاردنية(بترا) الثلاثاء، انه وفقا لتعليمات الهيئة الجديدة بشأن تشغيل عدادات الاجرة ويشمل تطبيقها جميع محافظات المملكة إعتبارا من بداية العام الحالي، انه يتوجب على جميع سائقي هذه المركبات تشغيل عداداتهم حال نقل المواطنين لها، لافتا الى ان تنسيقا قائما بين الهيئة وادارة ترخيص المركبات تنص على عدم ترخيص تلك المركبات دون توفر عداد الاجرة . وقال الروسان ان خطة المكتب للعام الحالي تتضمن استحداث خطوط نقل جديدة على خط المفرق – المستشفى العسكري والذي من المتوقع استكماله خلال العام الحالي، مشيرا الى انه سيتم تحويل المركبات التي تعمل على خطوط ضعيفة من خلال منحها تصاريح لتعمل على هذا الخط.

واكد ان الهيئة ستعمل حال توفير بلدية المفرق الكبرى قطعة الارض المحاذية للمجمع، على توسعته بتكلفة مليوني دينار ليكون مجمعا شاملا لمختلف المركبات العمومية العاملة على خطوط محافظة المفرق.

  • ( 1 )
    ابو محمد
    2012-02-14
    تعالوا وشوفوا شفوريات التكاسي في الزرقاء كيف بنصبو على الواحد عينك عينك
  • ( 2 )
    ابو ايهم
    2012-02-14
    والله ياريت النظر من الجهات المسؤولة في تكاسي اربد .. حيث ان سائقي التكاسي ما شاء الله الاغلبية من الزعران وبمجرد ان تطلب منه تشغيل العداد يتوقف على اليمين ويطلب منك النزول ويقول لك انا لا اعمل على العداد .. وولعلم التكاسي في اربد وبنسبة 95% اذا لم يكن اكثر يتقاضون الاجرة على مبدأ الطلبات يعني كمثال من عند المحافظة الى الحشاش يعد العداد 55 قرش ولكنه يطلب دينار واذا لم تدفع يحاول ان يسبب لك مشكلة وخاصة للبنات وكأن بنات البلد فرائس لديهم يستغلوا ركوبهم للحصول على اجرة بزيادة كبيرة ومثال آخر من مجمع الاغوار الجديد الى مجمع عمان الجديد تعطيه دينار ولكنه يقول لك ويطلب منك دينار ونصف .. برأيكم لمتى سنبقى على هذا الوضع
    يجب ان يكون هناك رقم للشكاوي وان يكون خط ساخن للابلاغ عن شكاوى بهذا الخصوص بحيث يتم ردع هؤلاء الغوغائين
  • ( 3 )
    2012-02-14
    طيب شو بالنسبه للتكاسي الي بعد ال 12 بالليل مايفتح العداد ..يعطيك سعر من عنده واذا ما قبلت ما يطلعك معه
  • ( 4 )
    شوشو
    2012-02-14
    إقرا على الزرقا السلام من كل النواحي ابو محمد
  • ( 5 )
    Ahmad Al-Najjar
    2012-02-14
    إحكوا هالحكي لسواقين تكاسي الزرقاء
  • ( 6 )
    اقتراح
    2012-02-14
    اقتراح مريح وامن لعداد التاكسي ..بوضع شاشة العداد امام الراكب مباشرة متحركه بشكل / مطوي . ورسالة تنبيه للراكب في حال صعوده المركبه برفع الشاشه( العداد) وتشغيلها بنفسه فورا. مثبت عليها رقما الكترونيا مبرمجا بقيمة 750 فلس على سبيل المثال لعدد من الكيلو مترات ومن ثم يضاف احتساب قيمة(مبلغ ) لكل مسافة كيلو متر تلقائيا . مع اضافة مبلغ ثابت 250فلس ضريبة عن كل حركه.. والسائق في مقعده . داخل غرفه منفصله بواسطة شبك لمنع اي احتكاك. مثبت امامه بطاقة تعريف . مضاف تنبيه هام باللغتين العربيه والانجليزيه ستيكرز عبارة ترحيب للراكب الزائر او المواطن مع التذكير بالحقبيه والموبايل واي محتويات بحوزته) هذا الاقتراح ليس بجديد وانما معمول به في دول عديده.
  • ( 7 )
    أحلى الأقدار الى 2
    2012-02-14
    صديقي الحل سهل ما بدو هو حر بس توصل للبيت احكيله هيك التعليمات روح طالب بالاجرة عند هيئة تنظيم النقل البري انت ما بدك تفتح عداداك معناها انت بدك توصلني ببلاش وسلام عليكم .. بس الحل بسيط جداً واذا ما عجبه روح انت واياه على اقرب مخفر وبتنحل هناك!!!
  • ( 8 )
    انس النصر
    2012-02-14
    الحمد لله اانهو وأخيراً حلة هذه القضيه قضية التكسي والعداد
    cat=2
  • ( 9 )
    ام ليان
    2012-02-14
    اه والله ياريت يسير هاد الشي لان تكاسي الزرقا مابعرفو غير دينا دينار ونص دينارين اما سبعين قرش وتمانين وستين والخ هاد شي مستحيل
  • ( 10 )
    سلطية
    2012-02-14
    ولا تسألوا عن تكاسي السلط الي حاطين العداد منظر
  • ( 11 )
    بنت البلد 99
    2012-02-14
    يا ريت يكون قرار رسمي وخاصة في مدينة اربد وتتم مخالفة سريعة من رجال السير بحق كل من يضبط ممتنع , وعلى وسائل الاعلام الاستمرار في الحث على تفعيل القرار لما له من اهمية
  • ( 12 )
    ابو نصير
    2012-02-14
    سيارات ابو نصير لا عداد من السوق التجاري الى حارة خمسة دينار مع العلم انها سرفيس لاكن تعمل تكسي وبدون عداد شكرا
  • ( 13 )
    سلطي حر
    2012-02-14
    لا يوجد عندنا في مدينة السلط شي يطلق عليه " عداد " في التكاسي . لذلك يقوم اصحاب التكاسي " الشفورية " بإطلاق تسعيرة على مزاجه واخلاقه واقل تسعيرة دينار " وخذلك على التصب والاحتيال "
  • ( 14 )
    رأفت حطيني
    2012-02-14
    طبعا اكيد مستثنيين الزرقا سيتي
  • ( 15 )
    shobaki
    2012-02-14
    qarar bdoon motab3a ... 7eber 3ala wara2
  • ( 16 )
    OMAR
    2012-02-14
    هههههههههه (ضحكتوني ) بدكم سواقيين رصيفة والزرقاء يفتحوا عداد والله لو تفتح راسو ما بفتح عداد
  • ( 17 )
    الى رقم 3 والجميع
    2012-02-14
    الى رقم 3 والى الجميع على شان ترتاحول اطلعوا في تكسي المميز بشغل العداد ان شاء الله وجه الفجر واي منطقة بيروحها على العداد حتى المحافظات على العداد وارجو النشر يا خبرني
  • ( 18 )
    ابن الزرقاء الحبيبة
    2012-02-14
    اخخخخخخخخخخخخخخخخخخ يا اخواني قبل كم يوم كنت في المخفر عشان مشكله بيني وبين الشفير التكسي في الزرقاء من اول حي معصوم قرب بنك العربي لحد مجمع الباصات طلب مني الشفير التكسي دينار ونصف وين هاي صارت يا اخوان بلله عليكم احكولي وين هاي صارت واخر شي بيحكيلك اذا مابتعطيني راح اورجيك مين انا تفضلو بدل يكون هو في اخلاق عاليه. من شان الله يكون هناك حل سريع للتكاسي الزرقاء وحتى لو طلع القرار للاسف هم ما بنفذو
  • ( 19 )
    رامي
    2012-02-14
    المهم التطبيق، يعني حاليا بس التطبيق بعمان، أول ما تطلع من عمان زي أكنو اختفى اشي اسمه عداد
  • ( 20 )
    2012-02-15
    طيب وإذا التكسي عد 1.75 وما رضي يعطيك إلا دينار شو بتعملولو هذا ...
  • ( 21 )
    الى ١٠
    2012-02-15
    اخ اخ كان نفسي حدا زيك يحكي عن تكاسي السلط اللي ما بتعرف اصلا بوجود العداد واللي برفعوا التسعيرة ع مزاجهم وكيفهم واتفاقية ما بين شوفيرية التاكسي والدفع علينا
  • ( 22 )
    الزرقاء والرصيفة
    2012-02-15
    يا ريت يتطبق فعليا في الزرقاء والرصيفة
    لانه وضع التكاسي فيها مزري جدا
    والدفع قبل الوصول وعلى مزاج الشفير
  • ( 23 )
    اردني بدبي
    2012-02-15
    التكاسي بدبي مكتوب على الزجاج والمقاعد عبارة ( اذا لم يتم تشغيل العداد تعتبر الرحلة مجانية ) وكمان في حال تشغيل العداد لازم الضو الموجود على السيارة من فوق يطفي اتواتيك بحيث اذا شافك الشرطي محمل شخص والضو مو شغال بعرف انك مو مشغل العداد وع السريع مخالفة و غير كمان ربط العداد على GPS لمعرفة اذا كانت السيارة معها ركاب ام لا عشان هيك نجحوا بجعل السائقين ملتزمين لانه عملوا كل ما يلزم حتى السائق مو بكيفوا غصب عنه يلتزم
  • ( 24 )
    عبدالله
    2012-02-15
    رسميا الحكومه ضد شوفير التكسي هاضا الواقع
  • ( 25 )
    2012-02-15
    عنا في اربد بعد الساعة 11 ليلا بصير سائق التاكسي اله تسعيرة تانيه اغلى قبل الشاعه 11 شو بالنسبه للموضوع نفس التسعيرة
  • ( 26 )
    2012-02-15
    اربد
    حطو العين عليها
    خصوصا انه السواق بقلك البنزين غالي ومابدو على العداد

    واذا طلع العداد 63 قرش بياخد 75

    والمشوار مضروب بواحد ونص وكانه ساعة اوفرتايم
  • ( 27 )
    ابو العون - ماليزيا
    2012-02-15
    انا سكنت باربد 20 سنة - لا اذكر الا مرة او مرتين اني طلعت بتكسي وشغل العداد - فالرجاء الضرب بيد من حديد على شوفرية تكاسي اربد
  • ( 28 )
    100
    2012-02-15
    مرة سائق تكسي بيقول لي انة الناس الراقية لما بتدفع الاجرة ما بتوخد الباقي و يعني الاجرة مثلا لو كانت 60قرش حسب العداد فان الزبون بيقول للسائق مسامح بالباقي و يعني بدة اسامحة مثلا بثلاثين قرش و
  • ( 29 )
    مبارك
    2012-02-15
    الى التعليق رقم 1 انت كل الانتحكيه صح 100% واضيف انو تكاسي عمان بتشتغل بالزرقا وبس يوصلك بصير يهت عليك ويقولك انا تكسي عمان بوخذ اكثر
  • ( 30 )
    يااخوان
    2012-02-15
    نقعد نطاوش مع اصحاب التكاسي اذا ما شغل العداد واذا كنت في منطقة نائية بسير يطلب ويطلب خاصة العقبة اذا شاف السائق انة العداد تحت نص ليرة ما بيشغل العدا حتى يوخذ 75 قرش رجع الباقي بيقولك هيك العداد والكل السواقين ماخذينة ضمان بيحاول يوخذ اكبر عدد من المصاري حتى لو حرام انا شخصيا صرت مهاوش اربع سواقين تكسي دافع ماني دافع
  • ( 31 )
    تكسي الغرام
    2012-02-15
    ين الجهات الرقابية عن سرفيس ابو نصير الذي يعمل تكسي
  • ( 32 )
    ama
    2012-02-15
    ياريت بس يطبق في الزرقاء , لانه بحسسك انك طالع معه صدقه وشو مدفعة وراها اوفففففففف طويله والعداد دائما عطلان منظر على التابلوه.
    ياريت يصير في حزم من شرطة السير وهم نفسهم يتقوا الله لانه اللي بيخده زياده حرام عليه وسلامتك مافي باقي نهائيا
    الله لا يسامحم
  • ( 33 )
    wahdan
    2012-02-15
    يجب وضع قوانين صارمة للتكاسي لضبط كل محتال من التكاسي الذين تمادوا على الناس , اصبح الواحد يريد نقود باي شكل من الاشكال من الناس المساكين
  • ( 34 )
    علي
    2012-02-15
    عفكرة بحس انه القوانين في البلد عنا مايتكبق الا في عمان..وباقي المحافظات مش تابعين للملكة كل محافظة بتشتغل عراسها
  • ( 35 )
    لولو
    2012-02-15
    تعال وشوفو تكاسي الزرقا من هون لهون بياخد دينار ونص مع العلم بانه الاجرة الفعلية ما بتتجاوز 70 قرش قال بيحكو زمن الدينار راح حسبي الله ونعم الوكيل فيهم عداك لما تكون بنت وبيصير سايق التاكسي يمسك قنوه وياما صارت فينا
  • ( 36 )
    انا مع السيد ابو ايهم
    2012-02-18
    والله مرات الواحد بيخاف يجادل صاحب التكسي لاا يسويله اشي .. يعني بوخذ حقه وزياده مع هاظ مابعجبه وبيكون شوي بده يلخمك ! متى راح تصير الناس تطبق النظام؟
   
الإسم
نص التعليق
الأولوية في النشر للأسماء الصريحة ، وتتم مراجعة كافة التعليقات ،وتنشر في حال الموافقة عليها فقط ،ويحتفظ موقع خبرني بحق حذف أي تعليق في أي وقت ،ولأي سبب كان،ولن ينشر أي تعليق يتضمن إساءة أو خروجا عن الموضوع المطروح ، علما ان التعليقات تعبر عن أصحابها فقط .